Segurtasuna, Ingurumena eta Jokabide kodea
Fagor Ederlanen badakigu denoi dagokigun zerbait dela lan leku osasuntsuagoa, seguruagoa, produktiboagoa eta iraunkorragoa sortzea.
Prebentzioa erantzukizun indibidual eta kolektibo gisa
Fagor Ederlanentzat laneko prebentzioa eta segurtasuna lehentasun bat da. Horregatik, gutako bakoitzak geure buruaren eta lankideen laneko segurtasuna, osasuna eta ongizatea aktiboki zaintzeko konpromisoa hartzen dugu.
Gurekin lanean ari direnen bizi kalitatea hobetzeko asmoarekin, batez ere prebentzio jarrerak barneratzen eta lan lekuak pertsonen premietara egokitzen ahalegintzen gara: ekoizpen plantetan ikerketa ergonomikoko proiektuak egiten ditugu, baita ohitura osasungarrien gaineko kanpainak ere.
Planetari gutxiago eskatzeko, gehiago eskatuko diogu geure buruari
Gure enpresa jardueraren garapena ingurumenaren babesik handienarekin bateragarri egitearen alde egiten dugu. Horregatik, lehengaien eta baliabideen erabilera kudeatzen dugu, ISO 14001 estandarrean oinarrituta.
Materialak
Fabrikazio prozesuak berrikusten ditugu etengabe, lehengaien eta baliabide energetikoen erabilera optimizatzeko. Gure lehentasunezko helburua da osagaien pisua murriztea hornidura kate osoan gutxiago kontsumitzeko.
Hondakinen kudeaketa
Materialak berrerabili ahal izateko eta hondakinak baliabide bihurtu ahal izateko diseinatu dira ekoizpen prozesuak. Fagor Ederlanek birziklatu ezin diren hondakinen tratamendu segurua eta eraginkorra adosten du baimendutako kudeatzaileekin, hondakin horien bolumena ahalik eta gehien gutxituta.
Ura
Uraren kudeaketa efizientea lehentasuna da Fagor Ederlanen, eta saiatzen gara erabiltzen ditugun ur bolumen handiak bateragarri egiten ingurumenaren eta gainerako baliabide naturalen errespetuarekin
Efizientzia energetikoa
Energiaren alorreko espezialistek eta talde lan espezifikoek gure ekoizpen plantak gidatzen dituzte energiaren –gasa zein elektrizitatea– kontsumoaren azterketan eta murrizketan.
Ekoizpen eta kontsumo iraunkorrerantz
Fagor Ederlanen, Ekonomia Zirkularreko hainbat ekimenetan parte hartzen dugu, nahi ez dugun arren gure jarduerarekin ingurumenari egiten diogun kaltea minimizatzeko.
Fagor Ederlanek Segurtasun eta Ingurumenaren alorrean dituen ziurtagiri nagusiak
Informazioaren segurtasuna
Fagor Ederlanen badakigu informazioaren eta gure IKT sistemen segurtasuna garrantzitsua dela. Horregatik, gure enpresan informazioa babesteko konpromisoa hartu eta lan egiten dugu. Hori bermatzeko, berariazko kudeaketa-sistema bat garatu dugu, eta Informazioaren Segurtasun Batzordea eratu dugu, hura sustatzeko eta bultzatzeko. Gainera, Informazioaren Segurtasuna Kudeatzeko dugun sistema hirugarren batek ikuskatu du, eta ENX-TISAX elkarteak eskatutako VDA ISA estandarraren araberakoa da.
Jokabide kodea eta jardunbide arduratsuak
Fagor Ederlanek eta bere langile guztiek konpromiso profesionala, etikoa eta arduratsua dute beren jardueren garapenean, munduko edozein lekutan, eta konpromiso hori gure enpresa kulturaren oinarrizko elementua da.
Kode horretan kudeaketa arduratsuaren estandar zorrotzak jasotzen dira, gizakien eskubideen babesari eta nazioarteko lan araudiaren sustapenari lehentasuna emanda, gure hornitzaileak, gure jarduera eremu diren eskualdeak eta gure bezeroak barruan sartuta.
