Euskaraz gara Ederlan
Badakigu tokiko hizkuntzek zein garrantzi duten erakunde osasuntsu eta lehiakor bat osatzeko, eta hori bultzatzen dugu, ez dugulako ulertzen Ederlan izateko beste modurik.
Aberatsak gara, hamaika hizkuntzen gestioan
Mundu mailan kokatuta gauden erakundea garenez, hamaika hizkuntza desberdin ditugu Ederlanen, eta eraginkorrak gara hizkuntza aniztasunaren gestioan, inor arrotz senti ez dadin, denok garelako Ederlan. Euskararen normalizazio prozesua Ederlanen, konpromiso konpartitu eta irekia da.
Ezagutza
Fagor Ederlaneko ekipoetako gaitasun linguistikoen mapa osatu dugu, eta argazkia hobetzeko beharrezko baliabideak eskaintzen ditugu. Formazio plan pertsonalizatuak garatzen ditugu eta aholkulari bat izaten dute bidelagun, langileek egiten duten esfortzua ahalik eta efikazena izan dadin.
Erabilera
Gure egitekoen berri jasotzen dugunean, normalizazio bidean dugun erantzukizuna argi izan dezagun, eta gure egunerokoan dugun portaera eredugarria izan dadin, Ederlaneko gestio prozesuetan hizkuntza politikako irizpideak integratu ditugu.
Euskararen arnasguneak sortu eta babesten ditugu, euskarak gero eta pisu handiagoa izan dezan Fagor Ederlan barruan.
Hitzetatik ekintzetara
Ziurtagiriak
Kanpo begiraden ekarpen eta balidazioa ere garrantzitsua da hobetzeko. Epealdi estrategikoen amaieran egindako bidearen kanpo balorazio bat ere eskuratzen dugu 2013tik hona, hobetzeko ditugun alor garrantzitsuenak identifikatu eta esperientzia berrietatik ikasteko.
